علق الشاعر الغنائي والسيناريست المصري أيمن بهجت قمر، على انتشار مقطع فيديو أثار حالة من الجدل حول زواجه مجدداً.
وكتب أيمن بهجت قمر على صفحته الخاصة على موقع التواصل الإجتماعي: "الفيديو ده لما نزل حصل لي شوية لخبطة، وأنا وقتها ما علقتش عليه، ومعنديش أي مشكلة معاه، بس لقيت ناس كتير بعده بتقول إني متجوز. في حقيقة الأمر أنا ما اتجوزتش لسه بعد انفصالي عن أم أولادي، وفكرة الجواز والاختيار بالنسبة لي مش سهلة أوي كده، لأن الست اللي هتجوزها هي اللي المفروض أكمل معاها اللي باقي من عمري، ودي الست اللي هتورثني وتدخل مع ولادي في إعلام الوراثة، واللي هيتقال عليها لحد آخر يوم في عمرها، حتى لو أنا مش موجود، إنها كانت مرات فلان الفلاني".وأضاف أيمن بهجت قمر: "دي لازم تبقى واحدة أنا حاسس فعلًا إنها الست بتاعتي، وأبقى شايفها في عيني ست الستات كلهم، ودي لحد دلوقتي مش موجودة في حياتي، وأكيد لما تظهر هقول على طول.. فأنا بس حبيت أوضح".
